Vintersykling ute

Trening for syklistar om vinteren skal førebu sommarsesongen. Eg vil skriva litt om trening ute i dette innlegget.

Syklisten bør kle seg godt før utetreninga. Ofte kan 2-5 varmegrader med regn og vind vera kaldare enn 1-5 minusgrader. Det er særleg hender og føter som er utsette, og dersom me frys på kroppen, frys me også på fingrane. Ull er bra, og me må ta vare på knea, som er utsette (bokstaveleg tala). Det er lurt å ta det med ro den første delen av turen, og heller trø til på heimvegen. Me frys lettare dersom me er svette.

Sykkelen må høva til forholda. På snø er vel tjukke dekk det rette, medan piggdekk er best på is. Dersom ein veit at vegen er fri for snø og is, kan racersykkel vera greit også i kaldt ver. Det er lurt å sjekka dekk og ta med pumpe og reserveslange. Kjedet bør smørjast før kvar tur. Sykkelen har også godt av reingjering etter turen, særleg dersom det er salta på vegen. Lys framme og bak trengst om vinteren, vegane er ofte smalare (snø og is), og bilistane ofte urøynde på vinterføre.

Trening på vintervegar kan vera langturar, eventuelt med nokre 10-20 sekunds spurtar. Intervalltrening er betre å ta inne under kontrollerte forhold.

Ta omsyn til andre trafikkantar og sykla forsiktig! Det er ikkje bra å bli ståande ute om vinteren med skade eller problem med sykkelen.

God tur!

Knut